Американската пејачка и „принцеза на поп-музиката“ Бритни Спирс изјави дека чувствува оти „не успеала како мајка“ по разговорот со еден од нејзините синови, кој ѝ рекол дека верува во науката, а не во Бог.
Во исто време, Бритни Спирс ги критикуваше своите родители Џејми и Лин Спирс на социјалните мрежи .
Спирс исто така изјавила дека додека растела во Кентвуд во американската држава Луизијана, „никогаш немала можност да биде вистинската“, додавајќи дека била изложена на „перење мозок“ во систем кој, како што нагласува, ја експлоатирал.
Во емотивна објава, пејачката зборуваше за, како што изјави, грешките што ги направила како мајка, како и за тешкиот однос со нејзините родители, според американското списание „Entertainment Weekly“.
Таа ја започна објавата со стара фотографија од нејзините сега веќе возрасни синови, Шон Престон и Џејден, наведувајќи дека кога биле деца, нејзините родители „тајно ги носеле на плажа“.
„Се прашував зошто не бев дел од нивните „кул тајни излегувања““, напиша Спирс, велејќи дека се чувствувала „деморализирано“ што живее во земја каде што, како што тврди, на нејзините родители им било дозволено да водат „таен живот“ со нејзините деца.
Таа изјавила дека поради ова „паднала на колена и плачела два месеци“ .
Зборувајќи за актуелниот период, Спирс опиша разговор што го имала со еден од нејзините синови минатата недела, наведувајќи дека тој зборувал за наука и дека тој лично не верува во Бог.
Пејачката, која вели дека се моли „секој ден“, изјавила дека ова сознание силно ја погодило .
„Во тој момент поверував дека не успеав како мајка, бидејќи знам дека постои Светиот Дух кој е високо во небесното царство. Бев таму, го почувствував тоа“, напиша Спирс.
Таа додаде дека сака да им каже на своите деца, како и на луѓето воопшто, дека ѝ е жал за грешките што ги направила во минатото .
Таа изјавила дека ѝ недостасува „возбудата во очите“ што ја имала кога била помлада, како и желбата да им угоди на другите и ентузијазмот за животот.
Во објава на социјалните мрежи, Спирс опиша и настан за кој тврди дека се случил откако станала позната.
Според неа, нејзиниот татко Џејми Спирс ѝ забранил повторно да оди во ресторанот на хамбургер со нова пријателка , откако папараците ја забележале нивната врска.
„Никогаш повеќе не ми беше дозволено да ја видам таа пријателка, ниту да одам во старите, традиционални ресторани за хамбургери“, рече Спирс, додавајќи дека обожава храна.
На крајот од објавата, пејачката изрази жалење за годините за кои рече дека „никогаш нема да може да се вратат“, но рече дека е горда што јавно зборува за тоа бидејќи, според неа, тоа е „навистина неверојатно тажно“.
