Со доаѓањето на сезоната на настинки и грип, постојат голем број начини на кои можете да го зајакнете вашиот имунолошки систем, а една навика особено се издвојува.
Нутриционистката Мариса Перота нагласи дека за силен имунитет, таа никогаш не го прескокнува својот утрински здрав пијалок.
„Состојките што секогаш ги барам во мојот утрински шот се куркума и ѓумбир. И двете состојки го зајакнуваат имунолошкиот систем. Понекогаш го правам овој пијалак сама, комбинирајќи јаболков оцет, корен од ѓумбир, куркума, лимон и бибер, а потоа го разредувам со вода. На некои луѓе можеби ќе им биде малку груб, но за мене е одличен начин да го започнам денот“, рече таа.
Таа додаде дека куркумата и ѓумбирот се клучни состојки во многу пијалоци за велнес, а овие две состојки се ефикасни и во зајакнувањето на имунитетот.
„Куркуминот во куркумата е едно од биолошки најактивните соединенија. Познат е по своите антиоксидантни и антиинфламаторни својства. Покрај тоа, ѓумбирот се користи како природен лек илјадници години. Има голем број антивирусни и антибактериски ефекти, а е и корисен за варењето“, рече таа.
