„Ердоган е навистина голем човек“, Трамп по самитот на НАТО: Америка е посилна од кога било

Белата куќа објави видео на X, каде што американскиот претседател Доналд Трамп зборува за самитот на НАТО во Турција, опишувајќи го како голем успех.

„Тукушто завршивме многу успешен самит на НАТО тука во Турција и сакам да му се заблагодарам на претседателот Ердоган, кој е навистина голем човек. Тој е голем лидер“, се слуша како вели Трамп.

„Исто така, сакам да му се заблагодарам на генералниот секретар на НАТО, Марк Руте. Марк е извонредна личност, паметен и одличен лидер. Не е лесно да се водат толку многу лидери“, додаде тој.

A successful 2026 NATO Summit. 🇺🇸

President Donald J. Trump announced a surge in Allied defense investment, creating new opportunities for American companies and thousands of high-paying jobs. pic.twitter.com/jyFI9OxMKP

— The White House (@WhiteHouse) July 10, 2026

Американскиот претседател рече дека за време на самитот имал разговори со неколку светски лидери, вклучувајќи билатерални средби со претседателот Ердоган, украинскиот претседател Володимир Зеленски и сирискиот лидер Ахмед ал-Шара.

Според Трамп, во секој разговор било јасно дека „Америка се врати“ и дека е „посилна, поголема и подобра од кога било досега“.

Видеото завршува со зборовите: „Ова беше исклучително успешен самит. Само сакам да кажам дека во таа просторија владееше извонредно чувство на пријателство и добра волја.“