Актерот Алек Болдвин се најде на мета на критики откако објави видео во спомен на својот колега Сем Нил на социјалните мрежи. Многумина веруваат дека тој повеќе зборувал за сопственото искуство отколку за актерот на кого сакал да му оддаде почит.
Многу корисници на социјалните мрежи го критикуваа Алек Болдвин дека, наместо да зборува за Сем Нил , поголемиот дел од видеото го посветил на спомени од снимањето на филмот „Лов на црвениот октомври“.
На почетокот на видеото, Болдвин рече:
„Само сакав брзо да дојдам и да кажам колку бев шокиран од веста за смртта на Шон Нил. Се сеќавам кога го снимавме „Ловот на црвениот октомври“ во 1989 година, а излезе во 1990 година“, рече актерот.
После тоа, тој зборуваше за тоа какво било снимањето на филмот, нагласувајќи дека тоа била една од неговите први главни улоги . Се присети на соработката со режисерот Џон Мектирнан, средбата со сценаристот Том Кленси, како и другите членови на екипата.
Болдвин, кој го играше Џек Рајан во филмот, исто така спомена анегдота од снимањето во која Роналд Гатман имитира руски акцент додека пуши цигара, а потоа го имитира Џејмс Ерл Џонс.
Дури кон крајот на видеото тој се осврна на Сем Нил, кој го играше капетанот Василиј Бородин во филмот, велејќи:
https://www.instagram.com/reel/DavJVHQOSh4/?utm_source=ig_web_copy_link&igsh=NTc4MTIwNjQ2YQ==„Тоа е еден од ретките филмови што сум ги направил, а го паметам целиот филм. Вистински обожавател сум на таа работа. Како и да е, Сем Нил. Мојата љубов е до неговото семејство.“
Неговото збогување предизвика мешани реакции на социјалната мрежа X. Меѓу критиките беа и коментарите:
„Класично е како Болдвин да прави сè за себе, дури и кога поентата требаше да биде почит кон колега“, „Заборави за што требаше да зборува. Немаше што да каже за Сем“, „Мислам дека се сети на целта на видеото во последните 15 секунди“.
Сепак, имаше и такви кои сметаа дека критиката е премногу остра. Еден од коментарите гласеше:
„Секогаш зборуваше толку смирувачки и љубезно за сите луѓе со кои работеше. Не кажа многу за Сем, но имаше добра интроспекција за филмот. Треба да го гледам повторно. Сем Нил беше прекрасен.“
Да потсетиме дека Сем Нил почина на 78-годишна возраст, откако претходно откри дека повеќе не боледува од рак.
