Џенифер Лопез работи на промоција на својата козметичка линија, а тоа вклучува снимање заводливи видеа во топла бања.
Латино дивата Џенифер Лопез (56) сними интересна реклама за своите козметички производи. Сними видео од кадата и ги покажа чекорите од својата рутина за убавина .
Сето ова се случува кратко откако беше откриено дека пејачката повторно ја ставила на продажба куќата во која некогаш живеела со Бен Афлек , но и по веста дека пронашла ново момче .
„Во бањата сум и се спремам за спиење. Токму го измив лицето со мојот гел за чистење JLO Beauty. И си мислев како убавата кожа не е нешто што се случува само по себе. Не е нешто што го добиваш само по себе. Тоа е нешто што го создаваш и на кое работиш секој ден“, рече Џеј Ло.
„Размислував како штотуку го ставив средството за чистење. Сега ќе го ставам серумот. Ќе го ставам кремот за очи, хидратантниот крем, балсамот Beso, серумот за врат, ќе ги направам сите чекори.“
Џеј Ло го прави истото наутро и навечер , и како што вели, ние самите создаваме добра кожа.
„И тоа е она што создава добра кожа. Ти. Ти ја создаваш. Секој ден, исто како и сè друго што сакаш во животот“, рече Џенифер.
Колку ја слушале, а колку гледале, ќе остане прашање, но во секој случај, Џеј Ло е непобедлива во секое издание.
