Извор близок до Анџелина Џоли изјавил дека таа не била изненадена откако Бред Пит признал дека по седум години повторно се предал на алкохолот.
„Анџелина не е изненадена. Се обидуваше да ги предупреди луѓето. Знаеше дека тоа секогаш е можност“, изјави извор за колумната „Naughty But Nice“ на Роб Шутер.
Тој продолжи велејќи дека Анџелина Џоли верувала оти трезвеноста не мора да значи дека Бред Пит се ослободил од главните проблеми што ги имал.
„Таа не верува дека Бред фундаментално се променил. Таа верува дека Бред е едноставно тоа што е и дека ниту трезвеноста ниту обидот да се обнови себеси не можат да го променат тоа“, додаде тој.
Анџелина поднесе барање за развод од него во 2016 година откако го обвини дека ги нападнал неа и нивните деца додека биле под дејство на алкохол за време на лет. Тој го негираше тоа.
Сепак, подоцна призна дека престанал да пие откако одењето на состаноците на Анонимните алкохоличари му помогнало. Сепак, во ново интервју за списанието „Ескваер“, тој рече дека повторно се предал на алкохолот.
