Младата ѕвезда на Барселона и еден од најдобрите фудбалери во светот, Ламине Јамал, во интервју за францускиот „Л’Екип“ испрати јасна порака за своите врвни амбиции, менталитет и желба да остави неизбришлив белег во светот на фудбалот.
Иако има само 18 години, неговиот натпреварувачки дух и глад за трофеи потсетуваат на најголемите икони на играта, но Јамал нагласува дека нема намера да копира никого.
„Играм за да создавам историја. Сакам децата за 30 години да велат: „Тој Ламин Јамал, беше навистина добар“. Не сакам да бидам подобар од Пеле или Лионел Меси. Сакам да бидам Ламин Јамал и да бидам запаметен како Ламин Јамал“, рече младиот шпански репрезентативец.
Зборувајќи за своите кариерни цели, Јамал постави исклучително високи стандарди: „Освоив три титули во Ла Лига, а сакам седум или осум. Сакам да ја освојам мојата прва Лига на шампиони. Ако освојам една, сакам да ја направам трета по ред. Потоа, ако ја освојам Златната топка во иднина, сакам да освојам уште пет“, рече тој.
Тој истакна дека неговата филозофија е едноставна и неумолива, а тоа е победа по секоја цена.
„Тоа е мојот менталитет, победувај, победувај и секогаш победувај. Секоја година. А ако не победам, се гледаме следната година“, нагласи Јамал.
Покрај своите голови, Јамал се осврна и на најголемиот ривал на тимот на Реал Мадрид, не криејќи го ривалството што владее на теренот.
„Реал Мадрид? Ги гледам и секогаш сакам да изгубат“, искрено заклучи младиот каталонски ас.
