Истражните органи на Руската Федерација денес објавија дека е покрената истрага по наводите дека тигар скокнал од арената за време на циркуска претстава кон публиката во Ростов на Дон, а според достапните информации, никој не е повреден.
Истрагата е организирана по медиумските извештаи за инцидентот што се случил во областа Ворошилов во градот, соопшти прес-службата на Истражниот комитет на Русија за Ростовскиот регион, објави руски Интерфакс.
Според извештаите, за време на претставата, тигарот скокнал од арената во правец на гледачите, но никој од посетителите не бил повреден, а животното веднаш било фатено и вратено во кафезот.
Tiger jumped into the audience during a performance:
— Russian Market (@runews) April 19, 2026
In Rostov the animal was frightened by a falling net, so it jumped over it and ran into the spectator seats.
Panic broke out, and spectators were evacuated.
Preliminary reports indicate that no one was injured. pic.twitter.com/LukbOzWpsX
Истрага води и обвинителството на Ростовската област, кое објави дека инцидентот се случил за време на претстава на патувачки циркуски уметник со диви животни.
