Тензиите во соблекувалната на Реал Мадрид не само што не стивнаа по вчерашниот судир меѓу Федерико Валверде и Аурелиен Чуамени, туку достигнаа точка на вриење во последните неколку часа.Атмосферата во Кралскиот клуб претрпе нов, уште потежок удар, принудувајќи го раководството на клубот да преземе драстични чекори и да формира кризен штаб.
Според шпанската „Марка“, се случил нов инцидент во чиј центар повторно биле Феде Валверде и Орелиен Чуамени.
Овој конфликт беше интерно оценет како „многу сериозен“. Расправијата беше исклучително насилна од првиот момент и брзо се претвори во физичка пресметка, поради што неколку соиграчи мораа итно да интервенираат за да ги разделат.
Ситуацијата ескалираше до тој степен што Валверде мораше да оди во болница по борбата.
Извори блиски до настаните во Мадрид тврдат дека овој конфликт бил многу полош и поинтензивен од оној што се случи вчера во тренинг кампот на Валдебебас.
Сериозноста на она што се случи резултираше со итен состанок во соблекувалната, само неколку минути по инцидентот. Ниеден играч не го напушти спортскиот центар, а беше одржан и кризен состанок во размер невиден во поновата историја на клубот.
Главната цел на ова собирање беше обид да се спречи ескалацијата на насилството и да се решат проблемите што веќе сериозно го загрижуваат раководството на клубот на највисоко ниво, кое сериозно размислува за санкции.
Атмосферата во Реал Мадрид во моментов е исполнета со максимална тензија. Во соблекувалната владее нервоза и внатрешни поделби, а меѓу играчите и тренерскиот персонал расте чувството дека ситуацијата е далеку од конечно решение.
