Силен земјотрес што го погоди јужно и централно Мексико ја прекина првата прес-конференција на претседателката на земјата, Клаудија Шајнбаум, во новата година, пренесува АП.
Шајнбаум, која набрзо ја продолжи својата прес-конференција, изјави дека разговарала со гувернерката на Гереро, Евелин Салгадо, која ѝ кажала дека не се пријавени сериозни штети во мексиканската држава каде што е регистриран епицентарот на земјотресот.
Градоначалничката на Мексико Сити, Клара Бругада Молина, објави дека 12 лица се повредени во земјотресот во тој град и дека „примени се 18 пријави за прекини на електричната енергија во различни населби“.
Мексиканската национална сеизмолошка служба претходно објави дека земјотрес со интензитет од 6,5 степени според Рихтеровата скала е регистриран во Мексико, со епицентар во јужната држава Гереро, на брегот на Тихиот Океан , во близина на тихоокеанскиот одморалиште Акапулко .
A strong earthquake rattled southern and central Mexico on Friday, interrupting President Claudia Sheinbaum’s first press briefing of the new year as seismic alarms sounded. pic.twitter.com/xVm562r50k
— The Associated Press (@AP) January 2, 2026
Државната агенција за цивилна заштита пријави повеќе свлечишта во областа околу Акапулко и на други автопати во државата.
Жителите и туристите во Мексико Сити и Акапулко истрчаа на улиците кога започна земјотресот, а потреси беа почувствувани и во мексиканските држави Морелос, Халиско, Оахака, Табаско и Колима.
