На поранешниот напаѓач на англиската репрезентација, Ендру Керол (36), му се заканува затворска казна поради прекршување на забрана за пристап, јавуваат англиските медиуми.
Имено, поранешниот ас на Ливерпул беше приведен во април на лондонскиот аеродром Станстед по пристигнувањето во Англија, а веста стана јавна во јули.
Неговото име првично не беше објавено од правни причини, но сега кога се поднесени обвиненија, неговиот идентитет е откриен, заедно со ризикот од казна до пет години затвор.
„Еден маж е уапсен за прекршување на забраната за пристап“, откри полицијата од Есекс за британските медиуми.
Од правни причини, полицијата не можеше да открие други детали за обвиненијата против поранешниот репрезентативец, кој треба да се појави пред Судот за прекршоци во Челмсфорд во вторник.
Да потсетиме дека Керол одигра 248 натпревари и постигна 54 гола во Премиер лигата, играјќи за Њукасл Јунајтед, Ливерпул и Вест Хем.
Тој е член на Дагенхам и Редбриџ од оваа сезона, а одигра и девет натпревари за Англија, постигнувајќи два гола.
