back to top
15.8 C
Skopje
сабота, 21 ноември , 2026

Прв пат во историјата: Америка го продава морето

Други наслови

Соединетите Американски Држави ја одржаа првата аукција за закуп на морското дно за длабокоморска рударска експлоатација покрај брегот на Американска Самоа, и покрај забраната од федерален судија на Хаваи со која се поништи дозволата за животна средина за да се продолжи со постапката.

Како што пишува денес „Гардијан“, продажбата се одржа во четврток, а на аукцијата беа понудени 12,7 милиони хектари морско дно наменети за истражување на минерали. 

Две области во овој пацифички архипелаг беа продадени за три милиони долари секоја на „Ветстоун Ју Ес Венчрс“, која беше единствениот понудувач.

„Ова е првпат САД да одржат аукција за закуп на критични офшор минерали во Пацификот и историски чекор за енергетската и минералната безбедност на Америка“, изјави министерот за внатрешни работи Даг Бергам.

Суд на Хаваи ја критикуваше организацијата на аукцијата, наведувајќи дека таа го прекршува Законот за загрозени видови. 

Судијката Џил Отеке изјави дека Националната служба за морски рибарство дури и не се обидела да ги разгледа потенцијалните ефекти врз загрозените видови.

Одлуката на САД предизвика остри критики од еколошките активисти и локалните власти.

Основачката на непрофитната организација „Финафинау“ од Американска Самоа, Сабрина Сулуаи-Махука, оцени дека владата „го продава океанот“ на аукцијата и покрај големиот број негативни коментари и судската пресуда. 

Директорката на Програмата за океанска енергија при Советот за одбрана на природните ресурси, Тарин Кикоу Хајмер, предупреди дека продажбата на Американска Самоа би можела да стане модел за идните барања од рударските компании.

Според неа, следната аукција за закуп помеѓу Северните Маријански Острови и Гуам била привремено закажана за 16 декември, но станала предмет на спор пред федералниот суд на Хаваи.

Сенаторот Вилијам Паркинсон го повика Вашингтон да ја откаже продажбата и рече дека „Пацификот не е на продажба“.

Тој оцени дека администрацијата се однесува кон океанот како кон корпоративна стока и дека е потребно да се застане на патот на тоа.

YouTube Video Thumbnail

Најнови вести