Спанаќот има малку јаглехидрати и многу растителни влакна, па затоа нутриционистите го вбројуваат меѓу намирниците што помагаат да се спречи скок на шеќерот во крвта по оброкот. Тој носи најголеми придобивки кога се комбинира со протеини и мешунки.
Американското списание Parade разговараше со неколку нутриционисти за храната што помага во контролата на шеќерот во крвта, а замрзнатиот спанаќ е една од нив. Според нутриционистката Елизабет Хагинс , една чаша варен замрзнат спанаќ има 10 грама јаглехидрати, од кои осум се влакна, што помага да се спречи зголемување на шеќерот во крвта.
Што да се избегнува
Нутриционистката Маријана Динин , основач на „Елементо Хелт“, советува да се избегнува спанаќ со крем бидејќи содржи додадени шеќери и скроб, што може да ја наруши регулацијата на гликозата. Истото важи и за готовите замрзнати производи со сосови и додатоци.
Со што да се комбинира?
Динин препорачува јадење спанаќ со храна богата со протеини и растителни влакна, како грав или киноа, и авокадо, за хранлив оброк кој не го зголемува шеќерот во крвта. Замрзнатиот спанаќ е лесен за подготовка на различни начини, па може да се додаде во супи, чорби, омлети или да се сервира со месо и риба.
Нутриционистите нагласуваат дека ниедна поединечна храна не ја заменува терапијата, па затоа луѓето со дијабетес треба да разговараат за промени во исхраната со својот лекар.
