Таткото на Меган Маркл, Томас Маркл, изјави дека повторно ја пронашол среќата во љубовта со својот 35-годишен партнер Рио Канедо, кого го запознал на Филипините додека се опоравувал од сериозна операција.
Маркл рече дека не очекувал повторно да ја пронајде среќата на негови години.
„Никогаш не сонував дека повторно ќе бидам среќен. Со години се чувствував запоставен и тажен, но сега повторно уживам во животот“, рече тој.
Покрај тоа, тој за „Дејли меил“ изјави дека неговата нова партнерка многу му значи.
„По сè низ што поминав, благослов е да најдам некој толку посебен на кого му е грижа за мене“, рече Маркл.
Двојката се запознала во Себу Сити, каде што Маркл се преселил со својот син Том Џуниор на почетокот на минатата година. Нивната приказна се одвивала додека Томас се опоравувал од ампутација на ногата. Рио Канедо работи како медицинска сестра, а нивната блискост се развила за време на закрепнувањето на Томас. Тој сега вели дека се чувствува безбедно со неа и дека неговиот живот добил нова смисла.
„Знам дека некои ќе кажат лоши работи, но не ми е гајле. Сакам да зборувам за ова бидејќи никогаш не помислив дека повторно ќе бидам среќен. Никогаш не е предоцна да се најде мир и љубов. Има многу негативност во светот, но ако мојата приказна му дава надеж на некого, тоа ми е доволно“, рече тој.
На почетокот на декември минатата година, Томас заврши на интензивна нега по итна операција, а неговиот син потврди дека се разболел дома. Откако доживеал мозочен удар, тој решил да го промени својот живот и да се пресели на Филипините.
„Сакав да одам таму каде што луѓето се љубезни, а животот тука е порелаксиран“, рече тој.
Тој откри дека моментално се бори со пневмонија, но неговата партнерка му помага во сè и се грижи за неговата исхрана, го охрабрува да усвои поздрави навики и се грижи редовно да ја зема терапијата. Маркл откри дека моментално се бори со пневмонија и дека неговата партнерка му помага во сè. Иако Меган Маркл наводно го контактирала својот татко во врска со неговите здравствени проблеми, Томас рече дека повеќе не е оптоварен со нивната врска.
„Луѓето овде се грижат едни за други. Долго време бев тажен за Меган, но сега можам повторно да се смеам, животот е прекрасен“, рече тој.
За потсетување, Меган и нејзиниот татко не биле во контакт уште од пред нејзината свадба со принцот Хари, кога Томас ја откажа посетата поради здравствени проблеми.
