Вооружените сили на Иран се подготвени за асиметрично војување и се задоволни од своите способности во доменот на беспилотните летала, изјави денес Врховниот командант на иранската армија и генерал-мајор Амир Хатами.
„Во претходниот асиметричен конфликт , се боревме против непријателот користејќи опрема што ги изненади, нанесувајќи им многу тешки удари “, рече Хатами , алудирајќи на интензивната размена на оган по нападот на Соединетите Американски Држави и Израел врз Иран, пренесува Прес Телевизија.
Според него, иранската армија е во многу добра позиција.
„Достигнавме високо ниво на зрелост во областа на беспилотните летала и беспилотните системи“,додаде Хатами.
Британскиот весник „Фајненшл тајмс“ (FT) вчера објави дека израелскиот премиер Бенјамин Нетанјаху планирал да започне напади врз Иран на почетокот на октомври , но дека американскиот претседател Доналд Трамп се спротивставил на тоа.
Планираните напади, рече изворот, ќе бидат поинтензивни од нападите извршени од САД и Израел во февруари.
Еден од изворите изјави дека не е исклучено судирите да се обноват во наредните недели.
Според весникот, Израел подготвил нов список на цели , кој вклучува цивилни инфраструктурни објекти кои претходно не биле нападнати.
