Чеченскиот лидер Рамзан Кадиров денес изјави дека Украина не треба да постои како земја и побара построги мерки.
„Ако мене ме прашувате, треба да ја преземеме цела Украина . Бидејќи денес тие испукуваат ракети врз цивили, врз цивилна инфраструктура – тие не се некоја банда, тие се државни терористи“, изјави Кадиров за новинарите за време на церемонијата во чест на Денот на Русија во Грозни, пренесува ТАСС.
Тој додаде дека Украина ја снабдуваат многу земји низ целиот свет и дека Русија се бори „против десетици земји и докажува дека отсекогаш била силна и моќна“.
„И ние, ако мене ме прашувате, треба да пукаме кон нив со помоќно прецизно оружје “, рече тој.
Чеченскиот лидер истакна дека „силите што не го признаваат ниту Севишниот ниту Бога и сакаат да ги уништат се непријатели на Русија“.
Како што изјави тој, противник на Русија не е Украина, туку западноевропските земји и НАТО .
Кадиров потсети дека непријателите на Русија „воведуваат санкции дури и против коњи, кучиња и мачки“.
„Дури се плашам да ѝ ја покажам и мојата мачка, во случај подоцна да ѝ воведат санкции. Непријателот на Русија е нацизмот, неонацистите, кои ги уништуваме денес и ќе продолжиме да ги уништуваме “, рече лидерот на Чеченија.
