Францускиот министер за образование, Едуар Жефри, објави дека утре од 400 до 500 средни училишта низ Франција ќе бидат делумно или целосно затворени поради насилните протести на средношколците незадоволни од условите за школување.
Според него, од почетокот на протестите, кои започнаа во Париз претходно оваа недела и се проширија низ целата земја, уништени се 24 училишта.
Студентскиот сојуз е организатор на протестот, а досега се уапсени најмалку 5.000 луѓе, претежно тинејџери. Синдикатите ги повикаа едукаторите да се приклучат на протестите, пишува весникот „Гардијан“.
Учениците протестираат против, како што нагласија, преполните училници, недостатокот на наставници и лошата состојба на училишните згради.
Шефот на париската полиција, Патрис Форе, ги повика студентите да ги прекинат насилните протести, односно мирно да го изразат своето незадоволство. Тој им рече на нивните родители дека протестите се под влијание на „професионални злосторници“.
