Британскиот принц Хари и неговата сопруга Меган Маркл беа изненадени од писмото од кралот Чарлс III во кое тој вели дека двајцата ќе останат приватни и нема да извршуваат официјални кралски должности.
Портпаролот на двојката изјави дека тие не биле однапред информирани за писмото, додека Бакингемската палата соопшти дека го добиле писмото пред да биде објавено, пренесува Дејли Меил.
Војводата и војвотката од Сасекс , кои се вратија во Велика Британија пред две недели , се смета дека се загрижени дека времето на објавувањето на кралот би можело да биде поврзано со клучен состанок за нивните безбедносни аранжмани.
– Бевме малку изненадени што ова не ни беше кажано однапред. Објавувањето на писмото го изненади парот – рече портпаролот на принцот Хари и Меган Маркл .
Писмото беше објавено откако двојката објави дека ќе работи во добротворни цели, а неименувани извори тврдат дека двојката успеала да го изнервира кралското семејство објавувајќи дека ќе го прави истото во име на семејството.
