Јеменските Хути во четвртокот испукаа ракети врз комплексот на претседателската палата во јужниот град Аден, соопшти јеменската влада.
Нападот врз палатата Ал-Маашик е прв таков напад врз Аден во тековниот конфликт меѓу Хутите, поддржани од Иран, и Саудиска Арабија. Палатата е седиште на меѓународно признатата влада на Јемен, поддржана од Саудиска Арабија.
Јеменскиот министер за информации Моамер ал-Ерјани изјави дека премиерот Шаја ал-Зиндани и членовите на владата се безбедни по нападот. Сведоците за Ројтерс изјавија дека слушнале силни експлозии во близина на палатата, а владата соопшти дека во нападот биле употребени ракети и беспилотни летала.
Министерот за здравство Касим Бухаибех изјави дека пет лица се убиени, а 16 се ранети. Меѓу жртвите има и чувари и цивилни вработени.
Портпаролот на војската на Хутите, Јахја Сари, изјави дека нивните борци го бомбардирале она што го опишал како штаб на саудиските воени операции во Аден, како дел од политиката на групата да ги таргетира…
