Одборот на директори на Центарот „Кенеди“, еден од најпознатите американски центри за сценски уметности, донесе одлука да го промени своето име во Центар Трамп-Кенеди, потврди Белата куќа.
Оваа одлука, која веќе предизвика многу реакции, беше донесена едногласно.
Портпаролката Каролина Ливит ја објави веста на социјалните мрежи, велејќи дека одлуката е донесена поради „извонредната работа што претседателот Трамп ја направи во текот на изминатата година за да ја спаси зградата“.
Ливит, исто така, му честита на претседателот Џон Ф. Кенеди, додавајќи дека „ова навистина ќе биде одличен тим долго време! Зградата несомнено ќе достигне нови нивоа на успех и величина“.
I have just been informed that the highly respected Board of the Kennedy Center, some of the most successful people from all parts of the world, have just voted unanimously to rename the Kennedy Center to the Trump-Kennedy Center, because of the unbelievable work President Trump…
— Karoline Leavitt (@PressSec) December 18, 2025
Се очекува потегот да предизвика значително противење, особено во Вашингтон, каде што центарот со децении е култен симбол, именуван исклучиво по Кенеди.
Потсетуваме дека, кратко по преземањето на функцијата, претседателот Доналд Трамп ги разреши сите членови на одборот на директори на центарот и на нивно место ги назначи своите сојузници, кои потоа го избраа за претседател на одборот.
Претседателот, исто така, обезбеди околу 257 милиони долари од Конгресните фондови за финансирање на обемни реставраторски работи на зградата и покривање на други трошоци.
Идејата за национален центар за сценски уметности се појави во 1950-тите. По атентатот врз 35-от претседател на САД, Џон Ф. Кенеди, во 1963 година, центарот беше изграден и именуван во негова чест.
