На 81-та сесија на Генералното собрание на Обединетите нации, претседателот на Соединетите Американски Држави (САД) Доналд Трамп беше придружуван од неговата сопруга Меланија, чие модно издание повторно привлече значително внимание.
Првата дама на САД уште еднаш ја покажа својата наклонетост кон европските модни дизајнери, одлучувајќи се за софистицирана и модерна верзија на деловниот костум.
Меланија Трамп се појави на овој меѓународен собир во црн костум од луксузната италијанска модна куќа „Долче и Габана“. Елегантната црна комбинација ја надополни со класична бела памучна кошула од „Живанши“, а вратоврската од „Аскот“ даде посебен шмек на целокупниот изглед.
Овој моден избор беше совршено усогласен со стилот на нејзиниот сопруг, кој носеше класично темно сино одело, бела кошула и црвена вратоврска.
Интересно е да се истакне дека ова не е прв пат Меланија Трамп да се одлучи за креации од брендот Долче и Габана за официјални пригоди. Имено, таа ги носеше нивните костуми со панталони на двата свои официјални портрети додека беше во Белата куќа, што дополнително ја потврдува нејзината доверба и наклонетост кон ова дизајнерско дуо.
Иако модниот аспект беше во фокусот на многумина, посетата на Њујорк е дел од поширокиот распоред на претседателската двојка. Се очекува Трампови да се вратат во Вашингтон веќе во среда.
Причината за нивното враќање е пристигнувањето на кинескиот претседател Си Џинпинг и неговата сопруга Пенг Лијуан во Белата куќа, кои доаѓаат во тридневна државна посета. Според најавите, темите на разговор меѓу двајцата претседатели ќе опфатат голем број клучни прашања, вклучувајќи ги ризиците што ги претставува вештачката интелигенција и глобалната економска конкуренција.
