Долгоочекуваното продолжение на „Оушенс 11“, сместено во 1960-тите, во кое главната улога ја игра зачудувачката Марго Роби, моментално е во продукција.
Марго Роби беше таа што го привлече вниманието кога се појавија најновите фотографии од снимањето. Актерката изгледаше како вистинска ретро убавица додека снимаше сцени на плажа на Француската ривиера покрај Бредли Купер без маица.
Купер го пишува сценариото, режира и глуми во овој сè уште неименуван приквел, кој наводно ќе следи грабеж за време на Гран при-трката во Монако во 1962 година , а во филмот ќе му се придружи и Марго Роби.
Двајцата ќе ги играат родителите на Дени Оушн, мајсторот крадец кого го играше Џорџ Клуни во филмот од 2001 година
.
Margot Robbie stuns in a retro bikini as she joins shirtless Bradley Cooper to shoot the Ocean’s Eleven 1960s prequel on the French Riviera https://t.co/PdxhliguV5
— Daily Mail Celebrity (@DailyMailCeleb) September 16, 2026
Австралиската актерка Марго Роби (36) совршено ја долови естетиката на 1960-тите во сино бикини со пин-ап шорцеви со висок струк, додека излегуваше од морето.
Актерката се прошета по плажата, каде што беше собрана филмската екипа, заедно со Купер (51), кој ја покажа својата завидна физичка форма во шорцеви, секако без маица .
Овие фотографии од снимањето доаѓаат по викендот кога Марго и Бредли беа видени како страсно се бакнуваат додека снимаа интимна сцена на хотелски балкон, исто така за филмот.
Бредли Купер сè повеќе станува тема на бројни портали , главно поради својот изглед, а се чини дека неговата врска со Џиџи Хадид, која е 20 години помлада од него, му е многу удобна. Марго е во брак со филмскиот продуцент Том Акерли (36) од 2016 година, со кого има двегодишен син.
