Улогата на Џек Досон во „Титаник“ прво му била понудена на Џони Деп, но тој се откажал откако се мачел да прочита околу 15 страници од сценариото. Сепак, како што рекол, знаел дека филмот ќе биде огромен хит.
„Титаник“ е еден од најуспешните филмови во историјата на киното и означи пресвртница во кариерите на Леонардо Дикаприо и Кејт Винслет. Денес е тешко да се замисли некој друг во улогата на Џек Досон, а малку е познато дека улогата прво му била понудена на Џони Деп.
Според списанието „Фар Аут“, една година пред премиерата, на Деп му била дадена можност да се запознае со сценариото на Џејмс Камерон и да ја разгледа главната улога.
„Се мачев да прочитам околу 15 страници од сценариото за Титаник. Беше ужасно. Мислам, не можев да го поднесам“, рече тој еднаш.
Актерот брзо се откажа од проектот. Интересно е што и покрај лошиот впечаток што сценариото го остави врз него, тој беше свесен за потенцијалот на филмот.
„Знаев дека „Титаник“ ќе биде голем хит“, рече Деп.
Сепак, тој не беше единствениот актер споменат за оваа улога. Меѓу имињата поврзани со проектот беа Метју Меконахи, Итан Хоук, Крис О’Донел, Кристијан Бејл и Пол Рад.
