Американските разузнавачки служби во најновиот извештај тврдат дека рускиот претседател Владимир Путин би можел да се обиде да ја тестира решителноста на НАТО во следните неколку години со ограничен напад врз една од земјите-членки .
Можните сценарија предвидуваат сајбер напади, саботажа или мала копнена инвазија, наместо голема инвазија , пишува „Волстрит џурнал“, а објави „Индипендент“.
Проценките, опишани од американски официјални лица, доаѓаат во услови на недостиг на критична муниција што ќе ѝ биде потребна на американската војска за да се соочи со Русија или Кина во потенцијална идна војна , првенствено затоа што
САД драстично ги намалија своите залихи од такво оружје поради трансферите во Украина по руската инвазија, како и конфликтот со Иран
Exclusive: Russian President Vladimir Putin could try to test NATO’s resolve with a limited assault on an allied country in the next few years, according to new U.S. intelligence reports https://t.co/1yLRylyrwN
— The Wall Street Journal (@WSJ) August 7, 2026
Изворите велат дека залихите што се изложени на ризик вклучуваат прецизни ракети со долг дострел и тактички ракетни системи на војската, како и ракети земја-воздух „Стингер“ со краток дострел.
Во извештајот се наведува дека претходно се сметало дека нема да има напад врз ниту една од членките на НАТО, со оглед на преокупираноста на Русија со војната во Украина, но новите прогнози на американските разузнавачки служби се слични на предупредувањата на одредени европски претставници во последните месеци .
Во јуни, началникот на германската армија, генерал-потполковник Кристијан Фројдинг, предупреди дека Русија би можела да има способност да ги нападне земјите-членки на НАТО во следните три години , односно дека голем хибриден воен напад, или дури и ограничен копнен упад, би можел да се случи помеѓу есента оваа година и 2029 година.
Според извештаите, разузнавачките податоци покажуваат дека Русија би можела да се обиде да изврши напади со „лажно знаме“, користејќи беспилотни летала произведени во Украина за напад врз критична инфраструктура во балтичкиот регион, а изворите тврдат дека нападот најверојатно би бил насочен кон источното крило на НАТО со цел да се тестираат обврските на алијансата според Член 5 – клаузулата за колективна одбрана за земјите-членки.
