БИЛАНС НА НАЈТРАГИЧНИОТ ПОЖАР ВО ШПАНИЈА 12 мртви, а по 19 сè уште се трага! Спасувачките служби неуморни во борбата со пламенот

Најмалку 12 лица загинаа во шумски пожар на југот на Шпанија, што е најголем број во последните 20 години.

Потврдениот број на жртви од шумскиот пожар што избувна во четврток попладне во покраината Алмерија во Андалузија, Шпанија, се искачи на 12 мртви . Осум лица се повредени.

Се бараат уште 19 лица, а спасувачките служби во таа област продолжуваат со операциите за пребарување и спасување, изјави денес претседателот на андалузиската влада, Хуан Морено, кого го цитираа новинските агенции.

Пожарникарите се обидуваат да го стават пожарот под контрола. Првите вести зборуваа за 12 жртви од пожарот, шпанските власти го намалија тој број на 11 мртви, а сега тој број повторно се зголеми на 12. Повеќето од жртвите беа странци, туристи кои не ги послушаа наредбите да останат на местото, туку решија да заминат со своите возила, објави Антонио Санц, андалузиски министер за касапство и началник на кризниот штаб.

Пламените јазици многу брзо се проширија во шумските области околу градот Галардос во покраината Алмерија, што е омилена дестинација.

Во едно возило се пронајдени четири лица кои, по секоја веројатност, биле од Велика Британија бидејќи воланот на нивниот автомобил бил од десната страна, рече Санц.

#Now
Authorities report up to 12 people dead due to wildfires near #LosGallardos #Almería in southern #Spain. Much of #Europe is experiencing extreme temperatures, as early signs of a “super #ElNiño” take shape. Fires continue to be battled, with more across #Portugal & #France. pic.twitter.com/gVO65ukDgR

— The Mexico Times (@mexicotimes) July 10, 2026

Другите седум лица беа пронајдени откако очигледно ги напуштиле своите возила и се обиделе да избегаат пеш по рута што не била дел од планот за евакуација.

Последиците се навистина ужасни. Сè укажува дека повеќето од жртвите, или дури и сите, се странски државјани, рече Санц. Околностите потсетуваат на настаните во соседна Португалија во јуни 2017 година, кога во огромен шумски пожар загинаа повеќе од 60 луѓе, а десетици беа повредени, а половина од жртвите изгореа во своите автомобили додека се обидуваа да ги напуштат, напиша Ројтерс.

Трагичниот биланс од вчерашната катастрофа е поголем од вкупниот број на жртви од шумските пожари во Шпанија за целата година, а тоа е најсмртоносниот шумски пожар во земјата повеќе од две децении.