Стареењето не е болест, нагласува професорот Михаел Денкингер, претседател на Германското здружение за геријатрија.
Секако, постојат болести поврзани со возраста, но професорот смета дека е „многу опасно“ самото стареење да се прогласи за патолошки процес.
„Тоа е став кој сигурно не му прави добро на нашето општество. Кој и да размислува така, занемарува дека стареењето носи со себе позитивни работи“, вели Денкингер, директор на геријатриска клиника и раководител на Институтот за геријатриски истражувања на Универзитетската клиника во Улм.
Критиката на професорот се однесува на трендот познат какодолговечност , т.е.желбата за особено долг и здрав живот. За разлика од анти-стареењето, кое првенствено се занимава со изгледот,долговечноста се стреми биолошки да го забави стареењето.
Влијателните лица и индустријата го препознаа овој тренд и промовираат стратегии и производи кои треба да помогнат во ова.
Пример се одредени пептиди за кои се тврди дека го подмладуваат ткивото.
„Нема докази за сето тоа, претежно има докази од експерименти врз животни“, вели Денкингер.
„Не постои производ за кој е докажано дека го продолжува животот на луѓето“, додаде тој.
Сепак, нема ништо контроверзно во целта за долг живот и здраво стареење, вели Денкингер. И знаеме што помага, а тоа е многу движење, добра исхрана, непушење, малку алкохол, превентивни прегледи и одржување социјални контакти.
Од 23 до 26 септември, околу 1.000 геријатри и геронтолози ќе се соберат во Франкфурт на конференција за актуелни прашања поврзани со возраста и стареењето.
Ќе се дискутираат нови терапии за Алцхајмерова болест , влијанието на климатските промени врз постарите лица, новите технологии во грижата и концептите за самостоен живот .
Програмата ја вклучува и темата „Дали стареењето е болест?“.
