Европската Унија смета дека сите индивидуални санкции што ги воведе, вклучително и оние против Татјана Навка, сопругата на портпаролот на Кремљ, Дмитриј Песков, се оправдани и се засновани на цврсти докази.
Портпаролот на Европската комисија, Ануар ел-Ануни, им изјави на новинарите дека ЕУ верува оти Навка треба да биде на списокот на санкционирани лица , пренесува „Европска правда“.
На прашањето колку е сигурна Европската комисија во врска со оправданоста на санкциите против сопругата на Песков , Ел Ануни одговори: „Многу, многу сме сигурни“.
Тој посочи дека за воведување санкции против поединци или организации, Европската Унија мора да има доволно докази , бидејќи санкциите се законски одлуки што можат да се оспорат пред судот на ЕУ.
„ Татјана Навка е ко-сопственичка на компании и недвижности, меѓу другото, на Кримскиот полуостров , кој, како што сите знаете, беше нелегално анектиран од Руската Федерација. Затоа, таа поддржува активности што го поткопуваат или го загрозуваат територијалниот интегритет, суверенитетот и независноста на Украина“, изјави портпаролот на Европската комисија.
Ел Ануни додаде дека Навка е поврзана со лице кое е на санкционираната листа и кое активно поддржувало активности или политики кои, според ставот на ЕУ, го поткопуваат или го загрозуваат територијалниот интегритет, суверенитетот и независноста на Украина , како и стабилноста и безбедноста на таа земја.
„Се надевам дека ова е доволно за да разберете колку сме уверени во оправданоста на санкциите“, заклучи Ел Ануни.
Патем, Татјана Навка, сопруга на портпаролот на Кремљ, Дмитриј Песков, и олимписка шампионка во уметничко лизгање, поднесе жалба до судот со цел да ги оспори санкциите што ѝ ги наметна Европската унија.
ЕУ ја вклучи Навка на списокот на санкционирани лица во јуни 2022 година. Ќерката на Песков, Елизавета, и синот Николај, .
