Бјанка Сензори го режираше музичкото видео за песната „Gemini Season“, а во една од првите сцени се појавува во провокативен костим додека молзи крава, по што ѝ се придружува Канје Вест, на кого му подава чинија со млеко.
Во продолжението на видеото, раперот истура млеко врз својата сопруга, со што започнува серија контроверзни и визуелно впечатливи сцени кои дополнително го зајакнуваат угледот на двојката позната по поместувањето на границите на јавниот вкус и предизвикувањето бурни реакции од публиката.
Судејќи според коментарите под тизерот објавен на Инстаграм профилот на Бјанка, реакциите на публиката се претежно позитивни. Бројни следбеници ја пофалија креативноста на концептот и подготвеноста на познатата двојка повторно да понуди нешто неконвенционално и поинакво.
Меѓу коментарите, може да се најдат оценки дека видеото е „визуелно импресивно“, „освежително различно“, додека многумина истакнуваат дека токму неговата необична естетика ја претставува неговата најголема вредност.
Посебни пофалби од публиката беа упатени кон режијата на Бјанка Сензори , што многумина го сметаат за еден од најинтересните аспекти на видеото. Меѓу коментарите, се издвои реакцијата на нејзината сестра, Анџелина, која ја изрази својата поддршка за проектот со едноставен, но симболичен емотикон од чаша млеко, алудирајќи на еден од централните мотиви на видеото.
Сепак, и покрај бројните пофалби, видеото не беше без остри критики. Во песната, Канје Вест отворено пее за своите интимни фантазии, што наведе дел од публиката да го доживее целиот проект како експлицитен и контроверзен приказ на приватниот живот на славната двојка. Критичарите сметаат дека провокативните визуелни мотиви не придонесуваат кон уметничката порака, туку служат првенствено за предизвикување реакции и привлекување внимание од јавноста.
