Американскиот претседател Доналд Трамп повторно ја отфрли идејата дека неговата одлука од минатата недела да ги укине санкциите кон Русија имала за цел да ѝ донесе победа на Москва.
„Јас сум за запирање на војната меѓу Русија и Украина“, им рече Трамп на новинарите.
И според него, „искрено, Зеленски не помага многу“.
„Мислам дека тој не сака да го спречи тоа, додека јас сакам луѓето да не умираат“, се цитира Трамп, според „Телеграф“.
Како одговор на изјавата на украинскиот претседател Володимир Зеленски дека американскиот претседател е на „погрешната страна на историјата“, Трамп остро реагираше.
„Да ме послушаше, одамна ќе склучеше многу подобар договор и милион луѓе на негова страна сè уште ќе беа живи“, рече Трамп.
„Мислам дека е време некој друг да преговара во име на Украина… Многу малку територија е заземена, но милион луѓе – исклучително голем број – загинаа“, рече Трамп.
