Украинскиот претседател Володимир Зеленски ги отфрли предлозите според кои добивањето безбедносни гаранции од САД би било условено со откажување на Украина од Донбас .
Голем број западни медиуми претходно објавија дека официјален Вашингтон ги условува безбедносните гаранции со предавањето на источноукраинскиот регион Донбас на Русија, а самиот Зеленски го потврди тоа.
„Велат дека гаранциите ќе дојдат дури по завршувањето на војната, а војната ќе заврши кога ќе се повлечеме од Донбас. Ние не сме идиоти. Знаеме што значи тоа“, рече Зеленски во интервју за германскиот ZDF.
Тој додаде дека некои американски претставници, вклучувајќи ги Џаред Кушнер и Стив Виткоф , веруваат дека Русија ја добива војната, но нагласи дека таквата проценка е погрешна. Исто така, истакна дека Украина продолжува со конструктивен дијалог со Вашингтон.
“We Are Not Idiots” — Zelensky Rejects Donbas-for-Security Guarantees Deal
— Gianl1974 (@Gianl1974) April 16, 2026
President Volodymyr Zelenskyy dismissed proposals linking U.S. security guarantees to Ukraine giving up Donbas, calling the logic unacceptable.
💬 “They say guarantees will come only after the war ends —… pic.twitter.com/hHmjcUjy26
Зборувајќи за можни чекори кон деескалација на конфликтот, Зеленски посочи дека Украина би можела да престане да ја таргетира руската енергетска инфраструктура ако Русија престане да напаѓа украински енергетски цели.
Тој повтори дека Русија мора да плати за штетата предизвикана за време на војната, или доброволно или преку економски механизми.
