Охридскиот рамковен договор ги постави мирот, дијалогот и еднаквоста во темелите на градењето одржливо општество. Нашата одговорност денес е да градиме врз неговите лекции и да ги претвориме во одржливи стандарди на демократија и соживот, вели претседателот на Собранието, Африм Гаши, по повод одбележувањето на годишнината од договорот.
„Денес, одбележувајќи ја годишнината од Охридскиот рамковен договор, се потсетуваме на еден од најважните моменти во современата историја на Република Северна Македонија. Овој договор беше политички и институционален одговор на кризата што бараше одговорност, дијалог и визија за иднината. Пред сè, тој ги постави мирот, дијалогот и еднаквоста во основата на градењето одржливо општество. Дваесет и пет години подоцна, неговата важност мора да се гледа подалеку од политичките разлики и секојдневните толкувања. Охридскиот договор останува важен столб на уставната и институционалната архитектура на нашата држава. Нашата одговорност денес е да градиме врз неговите лекции и да ги трансформираме во одржливи стандарди на демократија и соживот“, се вели во изјавата на претседателот на Собранието Гаши.
Република Северна Македонија, нагласува тој, е заеднички дом на сите нејзини граѓани, а нејзината сила не лежи во разликите што нè делат, туку во способноста да ги претвори во заеднички вредности.
„По четвртина век, прашањето што мора да си го поставиме повеќе не е што сме постигнале, туку што ни останува да им ја оставиме на идните генерации, државата што ја сакаме. Затоа, нека оваа годишнина биде заедничка обврска: Денешната политичка генерација и институции мора да го зачуваат мирот преку дијалог, да ја зајакнат еднаквоста и да градат соживот преку дела. Нека секоја идна генерација го наследи Охридскиот договор како пресвртница во историјата и како жива вредност на државата. Додека граѓаните се тие што имаат сила да го спроведуваат секој ден“, изјави претседателот на Собранието Африм Гаши.
