Бракот може да го промени начинот на кој луѓето се однесуваат кон пријателите кои не се во врска или се во брак, а многумина го сфаќаат ова дури кога повторно се слободни, по развод или смрт на партнерот.
Експертите го нарекуваат овој феномен синглизам. Станува збор за стереотипизирање, стигматизирање и маргинализирање на лица кои не се во брак или врска, како и дискриминација насочена кон нив.
Експертите велат дека луѓето кои неодамна станале слободни може да станат поподложни на самештво отколку кога биле во брак.
„Луѓето во брак честопати не се свесни дека го продолжуваат и охрабруваат самството сè додека самите не станат самци, откако ќе го изгубат сопружникот“, наведоа тие.
Експертите истакнуваат дека загубата на сопружник е еден од најтешките животни настани, втор по големина веднаш по загубата на дете. Неорганизираноста и траумата што следат по смртта на партнерот се тешки и за жените и за мажите.
Кога паровите се дружат, поголема е веројатноста да бидат со други парови отколку со пријатели кои се слободни.
Експертите наведуваат дека оние на кои им се допаѓа самскиот живот и кои инвестирале во него се адаптираат подобро, односно самците во душата, бидејќи честопати изградиле посилна мрежа од блиски луѓе, наместо да се фокусираат исклучиво на потрагата по партнер.
