Поранешниот капитен на англиската репрезентација, Дејвид Бекам, денес доби ѕвезда на Холивудската патека на славните
Неговата сопруга Викторија и децата Ромео (23), Круз (21) и Харпер (14) присуствуваа на откривањето на ѕвездата заедно со Бекам.
Дејвид Бекам, кој е заслужен за зголемувањето на популарноста на фудбалот во Соединетите Американски Држави, им се придружи на повеќе од 2.800 познати личности кои веќе имаат ѕвезди со нивните имиња по должината на Холивуд Булевар и Вајн Стрит во Лос Анџелес, објавува британски Телеграф.
За време на церемонијата на откривање на ѕвездата, Бекам беше почестен и од актерот Том Круз. Во својот говор за прифаќање на наградата, Бекам му се заблагодари на своето семејство и ја пофали американската кошаркарска легенда Мајкл Џордан, за кого рече дека бил негова инспирација.
Тој е причината зошто го носев бројот 23 и ми покажа дека можеш да бидеш повеќе од само спортист“, рече Бекам.
Во текот на својата кариера, Дејвид Бекам одигра 115 натпревари за репрезентацијата на Англија, а играше и за Манчестер Јунајтед, Реал Мадрид, Милан, Пари Сен Жермен и ЛА Галакси.
Холивудската патека на славните е основана во 1960 година и е една од најпосетуваните атракции во Лос Анџелес.
