Лидерот на СНСД, Милорад Додик, се обрати по
укинувањето на санкциите на САД , велејќи дека му е благодарен на американскиот претседател Доналд Трамп.
„Благодарен сум му на претседателот Доналд Трамп и неговите соработници за исправката на големата неправда нанесена врз Република Српска, нејзините претставници и нивните семејства – неправда создадена од администрациите на Обама и Бајден“, објавува
„Аваз“.
„Одлуката за укинување на санкциите не е само правна, туку и морална рехабилитација на вистината за Република Српска и сите оние кои чесно ѝ служат. Уште еднаш се покажа дека сè што беше кажано против нас беше лага и пропаганда, врз која беше изграден големиот хаос создаден од
Кристијан Шмит – хаос што сега мора да се исчисти.“
„Можам да им простам на оние што се радуваа на овие години и веруваа во туѓите лаги, освен годините што ги изгубивме затоа што веруваа дека Република Српска ќе падне.“
„Денес е јасно – никогаш нема да падне“, рече Додик.
