Никој не очекуваше дека поранешните сопружници, Ева Лонгорија и Тони Паркер, ќе позираат еден до друг 15 години по нивниот бурен развод.
Актерката Ева Лонгорија сосема случајно стана тема на социјалните мрежи, а овој пат тоа не се должеше на нејзините модни изданија , ниту на нејзиниот изглед, туку на нешто сосема неочекувано.
Иако веќе десет години ужива во бракот со Хозе Бастон , со кого има син, Ева ги потсети сите свои следбеници на претходниот брак со кошаркарот Тони Паркер . Додека снимаше емисија, дојде и Тони, а малкумина очекуваа дека Ева ќе објави фотографија со својот поранешен сопруг.
„Погледнете кој дојде… Единствениот ТП“, напиша таа.
Eva Longoria reunites with ex-husband Tony Parker 15 years after cheating scandal, messy divorce https://t.co/Jfo6pOl1fn pic.twitter.com/rMqAPWpHlK
— New York Post (@nypost) June 9, 2026
Сето ова не би било толку чудно ако разводот на овој познат пар не беше повеќе од бурен , како и целото нивно заедничко минато.
Тони и Ева беа во брак четири години, од 2007 до 2011 година, а разводот наводно се должи на афера . Како што се пишуваше во тоа време, актерката пронашла стотици пораки меѓу познатиот кошаркар и заеднички пријател.
Ева никогаш не ги откри вистинските детали за разводот, само еднаш, кога ја посети Елен Деџенерис, рече дека во тој период не јадела ништо, само пиела кафе.
Очигледно, лошите денови се зад нив и поранешните сопружници се во пријателски односи.
