Зеленски на социјалните мрежи напиша дека Русија потоа испалила 68 ракети, вклучувајќи бројни балистички, како и повеќе од 350 дронови.
Украинскиот претседател Володимир Зеленски изјави дека масовните воздушни напади извршени од Русија во ноќта помеѓу неделата и понеделникот биле намерно насочени кон цивилите и инфраструктурата во Украина со цел да се предизвика што е можно повеќе страдање и штета.
Доцна синоќа, Зеленски на социјалните мрежи објави дека Русија потоа испалила 68 ракети, вклучувајќи бројни балистички, како и повеќе од 350 дронови.
Киев и околниот регион беа главна цел на нападот, рече Зеленски на Телеграм, обвинувајќи ја Москва „дека сака да предизвика што е можно повеќе страдање и штета на Украинците и Украина“.
Зеленски рече дека спасувачките операции продолжуваат, особено во градот Вишнево во близина на Киев, и додаде дека владата ќе издвои средства за итни случаи за да ѝ помогне на општината, наведувајќи дека обемот на уништувањето ги надминал капацитетите на локалните власти.
Според најновиот извештај, во руските напади загинале 22 лица, а околу 90 биле повредени.
