На четвртиот ден од војната меѓу Израел и САД против Иран, беше погодена американската амбасада во саудискиот главен град Ријад.
Денес е четвртиот ден од израелско-американската војна против Иран.
Американскиот претседател Доналд Трамп вчера, во своето прво јавно обраќање од почетокот на новите конфликти на Блискиот Исток, изјави дека ја започнал војната бидејќи тоа била „последната, најдобра шанса“ да се запре нуклеарната програма што ја развиваат властите во Техеран.
1.000 напади врз Емиратите
Обединетите Арапски Емирати беа цел на повеќе од 1.000 напади од Иран во изминатите четири дена, додека во исто време израелските воздухопловни сили соборија повеќе од 100 ирански дронови, објавија денес претставници на двете земји.
Министерството за надворешни работи на ОАЕ соопшти дека земјата била цел на повеќе од 1.000 напади откако Иран започна напади во регионот како одговор на американско-израелските напади, пренесува Ројтерс.
Новиот лидер на Иран
Иранското Собрание на експерти го избра Моџтаба, син на Али Хамнеи, за следен врховен лидер под притисок од Револуционерната гарда, изјавија информирани извори за „Иран Интернешнл“.
Трамп му нареди на DFC да обезбеди гаранции за бродовите што пловат низ Персискиот Залив
Доналд Трамп ѝ нареди на Американската корпорација за меѓународен развој и финансирање (DFC) да обезбеди „осигурување и гаранции“ за бродовите што патуваат низ Персискиот Залив, сугерирајќи дека американската морнарица ќе ги придружува танкерите низ Ормутскиот теснец доколку е потребно.
