Младиот фудбалер на Барселона, Ламине Јамал, повторно се најде во центарот на вниманието на јавноста, но овој пат не поради неговите движења на теренот, туку поради настаните за време на парадата по повод освојувањето на титулата шампион на Шпанија.
За време на прославата на титулата на улиците на Барселона, Јамал побара од еден навивач палестинско знаме, кое потоа го мавташе од автобусот заедно со своите соиграчи. Подоцна објави фотографија со знамето на социјалните мрежи, каде што го следат повеќе од 42 милиони луѓе.
Неговиот потег предизвика бројни реакции низ целиот свет, а израелските власти реагираа особено бурно.
Израелскиот министер за одбрана Израел Кац јавно го критикуваше младиот шпански репрезентативец, обвинувајќи го за поттикнување на насилство против Израел.
„Ламин Јамал одлучи да поттикнува против Израел и да поттикнува омраза додека нашите војници се борат против терористичката организација Хамас“, напиша Кац на Твитер.
Во соопштението, министерот дополнително наведе дека „оние кои ги поддржуваат ваквите пораки треба да размислат дали ги сметаат за хумани и морални“ и рече дека нема да молчи за она што го нарекува „поттикнување против Израел и еврејскиот народ“.
Кац, исто така, ја повика Барселона јасно да се дистанцира од целиот инцидент и да испрати порака дека нема место за „поддршка на тероризмот“ во спортот.
Според шпанските медиуми, тренерот на Барселона, Ханси Флик, наводно разговарал со Јамал по целата ситуација. Флик наводно рекол дека не му се допаѓа што младиот фудбалер го мавтал палестинското знаме за време на прославата.
Сепак, германскиот стручњак додаде дека Јамал е возрасен, има 18 години и сам ги носи своите одлуки.
