Хамнеи најави многу построг одговор ако Америка го повтори нападот.
Промените во структурата на владата во Соединетите Американски Држави и евентуалните отстапки од страна на Вашингтон нема да го променат непријателскиот став на земјата кон Иран, најави врховниот лидер на Иран, Моџтаба Хамнеи, и додаде дека одговорот на Техеран на евентуална нова американска агресија ќе биде значително „посилен и посеопфатен“.
– Оние кои веруваат дека промените меѓу политичките партии во Америка можат да го променат непријателскиот став на Вашингтон кон Иран, сосема грешат. Исто така, грешка е да се верува дека отстапките кон Соединетите Американски Држави ќе го наведат Вашингтон да се откаже од непријателството кон иранскиот народ, рече Хамнеи.
Според Ројтерс, тој предупредил дека, во случај на повторување на американската агресија, одговорот на Техеран ќе се прошири на многу пошироко подрачје.
Според него, додека САД веруваат дека крајот на нивните напори за воспоставување глобална доминација е далеку, Иран верува дека тој момент е близу.
Хамнеи оцени дека настаните во регионалните води, особено во Ормутскиот теснец, покажаа дека митот за непобедливоста на Соединетите Американски Држави е неоснован.
Тој посочи дека воспоставувањето на иранска контрола врз Ормутскиот теснец и нападите врз американските воени бази во регионот се одговор на американската агресија, но и, како што наведе, дел од борбата против хегемонијата на регионално ниво.
Неговите изјави уследија по поразот на Републиканската партија , предводена од американскиот претседател Доналд Трамп, на изборите за Сенатот и Претставничкиот дом на американскиот Конгрес.
Освен Хамнеи, на социјалната мрежа X се огласи и иранската амбасада во Индија, каде што објави видео на кое се гледа како четири лица го креваат американскиот претседател Доналд Трамп и го ставаат во корпа за отпадоци означена како „опасен отпад“.
Заедно со видеото, таа накратко изговори „Американски среднорочни избори“, со смешен емотикон, сатирично исмејувајќи го Трамп по резултатите од изборите во САД.
