Пешаците кои ја преминуваат улицата и во исто време разговараат на телефон, користат слушалки на двете уши, паметен часовник или таблет, од денес ќе се соочат со санкции.
Републичкиот совет за безбедност на сообраќајот на патиштата објавува дека од денес стапуваат во сила измените на Законот за безбедност на сообраќајот, кои се одобрени со цел подобрување на безбедноста за најранливите категории учесници во сообраќајот и намалување на бројот на сообраќајни несреќи предизвикани од небрежност.
Според новата одлука, казната ќе биде 40 евра. Истите правила важат и за возачите на велосипеди, мотоцикли, мопеди, трицикли и квадрицикли, кои, според законот, не смеат да користат електронски уреди додека возат.
