Британскиот актер Калум Тарнер беше првиот од кандидатите за улогата на Џејмс Бонд кој имаше пробно снимање пред продуцентите во петокот во студиото Бреј во Беркшир, пишува Дејли Меил.
Тарнер има 36 години и е познат по филмовите „Фантастични ѕверови“ и „Ема“. Оваа година се ожени со пејачката Дуа Липа. Според „Дејли меил“, долго време се сметаше за фаворит за улогата на агентот 007. Се очекува пробните снимања да траат во текот на викендот. Четири актери стигнаа до финалната фаза.
„Замената на Даниел Крег се бараше со години, а Калум беше повикан денес за да добие шанса да се докаже пред шефовите. Следните три дена ќе бидат навистина интересни“, изјави неименуван извор за „Дејли меил“.
Конкуренти на Тарнер се Џек Лоуден, познат од „Бавни коњи“, и Џош О’Конор од „Круната“, двајцата исто така 36-годишни. „Дејли меил“ го споменува и 29-годишниот Австралијанец Џејкоб Елорди во трката, иако претходно беше објавено дека тој се откажал од трката. Според весникот, неговиот избор би ги налутил некои фанови кои веруваат дека Бонд треба да го игра Британец.
„Бреј Студиос“ се наоѓа на реката Темза. Беше користен за снимањето на „Роки Хорор Филм Шоу“ и е во сопственост на „Амазон МГМ Студиос“ од 2024 година, кои управуваат со серијата за Бонд.
Продуцентката Ејми Паскал во август изјави дека крајот на годината е реална проценка за избор на новиот Бонд. Според „Дејли меил“, изборот на актерот до декември би овозможил снимањето на новиот филм, во режија на Денис Вилнев, да започне во 2027 година.
Харис Дикинсон и Џек Бартон исто така се споменуваат како можни кандидати. Во официјалната серија филмови за Бонд досега глумат шест актери: Шон Конери, Џорџ Лазенби, Роџер Мур, Тимоти Далтон, Пирс Броснан и Даниел Крег.
