Секторот за внатрешни работи во Охрид објавува дека поднесе кривична пријава против две лица од Охрид, на возраст од 47 и 39 години, поради сомнение дека сториле кривични дела „фалсификување исправа“ и „измама“.
„Првообвинетиот, во својство на претседател, и второобвинетиот во својство на секретар на Општинскиот фудбалски сојуз на Охрид, искористувајќи ја својата позиција во здружението и пристапот до системот на Фудбалската федерација на Македонија, во текот на 2024 година, во неколку наврати креирале записници од одиграни натпревари во кои внесувале лажни податоци за судиите и фудбалерите како учесници во фудбалски натпревари што наводно се одржале во регионалната лига Б во рамките на Општинскиот фудбалски сојуз на Охрид.“
„Потоа, тие составиле записници со лажни и нецелосни податоци и ги внесле во системот на Фудбалската федерација на Македонија, измамувајќи ја, лажно претставувајќи дека Општинскиот фудбалски сојуз на Охрид организирал натпревар во општинската лига Б со осум екипи како учесници“, известува СBP Охрид.
