Еден од најдобрите фудбалери во историјата, Кристијано Роналдо, веќе три години игра за саудискиот Ал-Наср, а денес објави дека го слави Божиќ во Ријад.
Роналдо објави видео на социјалните мрежи од својот дом, на кое се гледа како се забавува со својата свршеница Џорџина Родригез и децата пред украсена елка.
„Надеж што обновува, љубов што прегрнува, семејство што поддржува и светлина што води. Среќен Божиќ!“, рече Роналдо.
И оваа сезона, Роналдо игра во феноменална форма, постигнувајќи десет гола на девет натпревари во саудиското првенство.
Во неговата неверојатна кариера досега, тој постигна 955 гола, а му недостасуваат 45 до границата од 1.000 гола.
Ова лето тој го продолжи договорот со Ал-Наср и ќе игра во Саудиска Арабија барем до 2027 година, што е повеќе од доволно за да се достигне магичната бројка.
