Тренерот на играчите на Реал Мадрид, Жозе Мурињо, изјави дека играчите на мадридскиот клуб пропуштиле голем број можности во натпреварот од шестото коло на Ла Лига против Елче, пренесуваат шпанските медиуми.
Фудбалерите на Реал го победија Елче на гостински терен со резултат 3:2 . Реал водеше со 2:0, но играчите на Елче успеаја да израмнат на 2:2. Карлос Еспи му донесе победа на мадридскиот клуб во првата минута од судиското продолжение.
„Очигледно постои проблем. Имаме три, четири, пет шанси да го решиме натпреварот, а не го правиме тоа. Лесни шанси, а не ги користиме. А потоа натпреварот преминува од лесен во многу тежок. Поголемиот проблем е што откако играчите на Реал Мадрид ќе ги пропуштат тие шанси и нема да успеат да го решат натпреварот, тие сепак играат како да го решиле натпреварот и сè е во ред. Не е во ред. Добрата работа е што нашите натпревари никогаш не се здодевни, луѓето се во неизвесност до последниот свиреж на судијата “, рече Мурињо.
Потоа ги пофали играчите на мадридскиот клуб.
„Заслугата за оваа победа им ја припишувам на играчите. Да игравме лошо целите 90 минути, ќе бев многу загрижен. Но, кога играте добро подолг период и создавате многу шанси, тогаш следува лош период во кој сте попасивни и му ја препуштате иницијативата на противникот – секако дека и тоа е загрижувачко, но не до степен кога играте лошо“, додаде тренерот на Реал.
Фудбалерите на Реал Мадрид се на второто место на табелата во шпанското првенство со 15 бода.
„Победивме и тоа е важно. Мојата единствена забелешка кон играчите е што не ги решаваат натпреварите кога имаат шанса. Немаше причина повторно да ризикуваме да изгубиме бодови. Имавме многу шанси да го завршиме натпреварот, но не го направивме тоа и му дозволивме на Елче да се врати во играта. Не ми се допаѓа кога ја губиме контролата, бидејќи контролата врз топката и играта е многу важна и затоа сум загрижен “, заклучи Мурињо.
Во недела, фудбалерите на Реал Мадрид ќе гостуваат кај градскиот ривал Атлетико во натпреварот од седмото коло на Ла Лига.
