Познатата британска манекенка и радио водителка Кели Брук повторно ги привлече сите погледи покажувајќи ја својата беспрекорна фигура за време на одморот во Италија.
Носејќи бикини со леопардски принт, 46-годишната жена уживаше во едрењето на луксузна јахта во друштво на својот сопруг Џереми Париси и неговата братучетка Стела.
Благодарение на нејзините препознатливи облини, манекенката беше прогласена за најсекси жена на светот од страна на списанието FHM во 2005 година.
Тоа не е единствената титула што ја заработи, научниците ја прогласија за жена со „најсовршено тело“ во 2015 и 2016 година.
Приказната доаѓа од студија на истражувачи од Универзитетот во Тексас. Тие анализирале пропорции на телото (висина, тежина, однос помеѓу струкот и колковите и црти на лицето) кои се привлечни за луѓето од еволутивна перспектива. Според нивните параметри, природното тело на Кели Брук е прогласено за идеален пример без никакви козметички процедури.
Што се однесува до нејзиниот одмор во Италија, фотографиите од крстарењето ги сподели самиот Џереми на профилот на неговиот бренд House of Parisi, објавувајќи видео од Кели како лежерно танцува на прамецот на бродот, позира на кормилото и ужива во сонцето.
И покрај почетното двоумење, Кели на својот Инстаграм профил откри како успешно го надминала стравот и скокнала во кристално чистото море.
Патувањето има и посебно значење за двојката. Кели и Џереми ја посетија Чивитавекија во близина на Рим – местото каде што се венчаа пред четири години – за да ја прослават годишнината од бракот.
„Фотосесија каква што никој не побара! Четири години брак, па се вративме на местото каде што рековме „Да“. Благодарност до нашата братучетка Стела што ни ги направи фотографиите“, напиша Кели во емотивна објава на социјалните мрежи.
Двојката е во врска 11 години, а судбоносното „да“ го кажаа во 2022 година.
