Никол Кидман неодамна разговараше со Сандра Булок за нејзиното детство и откри дека се борела со одреден проблем додека растела.
Никол Кидман и Сандра Булок работат напорно на промоцијата на филмот „Практична магија 2“ , што вклучува и давање бројни интервјуа за странски медиуми. За време на разговорот со Сандра Булок, Кидман истакна дека таа пелтечела како дете и имала проблеми со изговорот на реченица.
„Пелтечев кога бев мала“, рекла таа. Булок одговорила: „Немав поим дека пелтечеш. Колку години имаше?“
„Четири, пет, шест. На таа возраст“, се присети Кидман. Таа објасни дека честопати однапред знаела што сака да каже, но зборовите не „излегувале“ онака како што сакала.
Иако успеала да го реши проблемот , актерката признава дека дури и денес, понекогаш, мора да ја практикува техниката што ѝ помогнала да го реши проблемот со пелтечењето. Како што вели, кога чувствува дека ќе „заглави“, едноставно забавува и прави кратка пауза .
„Понекогаш ми се случува накратко, но ја совладав техниката и научив како да се справам со тоа“, рече таа. Таа, исто така, се присети на советите што често ги добивала додека растела: „Сите секогаш ми велеа: „Застани, направи пауза, размисли што сакаш да кажеш, а потоа кажи го“, објасни таа.
Кидман ги поврза своите проблеми со говорот со срамежливоста што ја придружува уште од детството. Таа вели дека дури и денес не ѝ е лесно сама да влезе во ресторан или да присуствува на настан.
„Многу бев срамежлива – навистина многу срамежлива. Пелтечев како дете и го преболев тоа. Сепак, сè уште понекогаш се повлекувам во мојата срамежливост“, рекла таа.
