Соединетите Американски Држави ги поддржуваат намерите на Ирак и Сирија за рестартирање на цевководот за сурова нафта меѓу двете земји.
Ова би можело да ја намали способноста на Иран да ги блокира испораките на нафта низ Ормутскиот теснец, објави денес Ројтерс, повикувајќи се на неименуван функционер на американскиот Стејт департмент.
Изворот рече дека САД очекуваат американските компании да учествуваат во изградбата на нафтоводот Кирук-Бањас, кој во голема мера престана со работа откако беше оштетен во американските напади врз Ирак во 2003 година.
Обновениот гасовод би се протегал од нафтените полиња во Ирак во близина на Киркук до западниот брег на Сирија.
Ројтерс објави дека станува збор за еден од низата напори на земјите производители на нафта на Блискиот Исток да ја намалат зависноста од Ормутскиот теснец, низ кој, пред почетокот на американско-израелската војна против Иран во март, минуваа 20 проценти од светските залихи на нафта.
