Најмалку 12 лица загинаа во пожар во Шпанија. Локалните медиуми објавија дека станува збор за „најразорниот пожар досега“ што ја погодил Андалузија.
„Бројот на жртви во катастрофалниот шумски пожар што избувна во општината Лос Гаљардос во Алмерија се искачи на 12 , откако рано утрово беше потврдена смртта на уште шест лица “, соопшти регионалната влада на Андалузија , според „Ел Паис“.
Според извештаите, починатите, за кои се сомнева дека се странски туристи , се обиделе да ја напуштат областа „по пат што не е пат за евакуација“ и биле зафатени од пламен.
Регионалната влада се сомнева дека жртвите се Британци поради положбата на воланите на автомобилите пронајдени на местото на настанот, иако сè уште се чека официјална идентификација на жртвите.
Претседателот на регионалната влада на Андалузија, Хуан Мануел Морено, изјави дека 19 лица сè уште се водат како исчезнати.
Владата додаде дека околу 1.000 луѓе биле евакуирани како мерка на претпазливост.
Некои од жртвите биле пронајдени мртви во возила зафатени од пламен во селце во соседната општина Бедар, според андалузиската служба за итни случаи.
Spain wildfire death toll rises to 12….A wildfire that ripped through a hamlet in southern Spain killed 12 people, authorities said on July 10, as a heatwave stifled swathes of the country. Some of the dead in Bedar in Almeria province were found in vehicles, the regional… pic.twitter.com/Q3oe7DMwMD
— PRATEEK BAJPAI (@prateekbajpai07) July 10, 2026
Извори од владината делегација изјавија дека бројот на жртви од пожарот што избувна во четвртокот е само привремен.
Во попладневните часови, неколку сведоци ги информирале службите за итни случаи дека далновод паднал во близина на автопатот N-340, што предизвикало пожар , кој брзо се проширил низ блиската шумска област.
Моментално, според „Ел Паис“, околу 150 луѓе и четири противпожарни возила работат на гаснењето на пожарот, заедно со Медицинската единица за шумски пожари, Тимот за команда на шумски пожари и Единицата за итни случаи на регионалната влада на Андалузија.
Андалузискиот министер за претседателство, здравство и вонредни ситуации, Антонио Санц, рече дека ова е „ најразорниот пожар досега “ во регионот и ја опиша ситуацијата како „невидена трагедија“.
Морено во објава на социјалните мрежи напиша дека е „скршен од срцето и уништен од ужасната вест“.
Шпанскиот премиер Педро Санчез изјави дека е „длабоко потресен“ од последиците од пожарот и им изрази сочувство на семејствата на шесте лица кои загинаа.
