Француската Национална жандармерија изјави дека се користи „неприфатливо насилство“ против органите за спроведување на законот за време на протестите што се одржуваат во земјата.
Во објава на социјалната мрежа X, полицијата објави фотографија и видео на кои се гледа моментот кога на полицаец му се запалува ногата откако врз него бил фрлен молотов коктел во Париз.
Според француските власти, полицаецот претрпел тешки изгореници како резултат на нападот.
Снимката, која беше широко споделувана на социјалните мрежи, предизвика и силни реакции кај француските политичари.
Џордан Бардела, претседател на крајно десничарската партија Национален собир, го опиша запаливиот уред како оружје „наменето да убива“, барајќи сторителите да бидат осудени на долги години затвор.
