Професорката по уставно право на Правниот факултет „Јустинијан Први“ и поранешна министерка за образование и правда, Рената Дескоска, е избрана за потпретседател на Венецијанската комисија.
Таа станува првата претставничка од Северна Македонија и земја надвор од Европската Унија на оваа висока позиција.
Дескоска нагласи дека изборот е благодарност за нејзиниот професионален придонес, потсетувајќи дека учествувала во изготвувањето на 14 мислења на Комисијата, кои биле едногласно одобрени.
